قررت اتكلم فى اول موضوع اكتبه عن المشاكل اللي بنواجها فى " التعليــــم " .
هبدأ بالمدرس فى الفصل :-
ومدى أختلاف شرح بعض المدرسين فى المدرسة وشرحهم فى الدروس وده عن تجربة شخصية.
أفضل مركزة جدا فى الحصة و اقول لازم افهم تحس ان المدرس حالف انك ما تفهم كلمة , تيجى تاخد معاه درس تعرف ان العيب مش فيك العيب فى ضمير المدرس نفسه . " على الرغم من وجود مدرسين كتير عندهم ضمير "
تانى حاجه محاولة تصدير بعض المدرسين أفكارهم السياسية للطالب وينسى ان مهمته الاولى هى تعليمهم .
طرق التعليم :-
بعض المواد العلمية بتتشرح نظرى طول السنة وتيجى فى الاخر يمتحنك امتحان عملى وبالتالى انت مش هاتبقى فاهم حاجه .
تعليم اللغات :-
الطالب المصرى بيفضل 12 سنة يدرس انجليزى وأول ما يدخل الجامعة يقول انا لازم اخد كورس بقى .
بُعبُع الثانوية العامة :-
بعبع الثانوية العامة بيوجد فى أغلب البيوت المصرية و بيبقى الطالب لو مجبش مجموع عالى ودخل كلية من كليات القمة يبيقى فاشل.
" على الرغم انك مش لازم تبقى ناجح فى نظام تعليم فاشل "
الدروس الخصوصية :-
يلجأ الطالب للدروس الخصوصية بعد فقده الأمل فى الاعتماد على نفسة يلاقى المدرس كاتب على الملزمة "ملزمة البهاريز" , "العندليب فى الفيزياء" ودى بتبقى المفروض انها دعاية للمدرس .
طريقة حل الحكومات لمشاكل التعليم و محاولة تطويرة :-
بأختصار الوزير اللي بيجى بيحاول تغير كل حاجه عملها الوزير اللي قبله ( الثانوية العامة هتكون سنتين لاهاتبقى سنة واحدة ) ,
( يشيلوا سنة سادسة لا يرجعوها ) وهى دى فكرة تطوير التعليم بالنسبة لهم .
انا هعلق على نقطه نقطه اوممكن هكمل الكلام
ردحذف1-المدرس مستحيل هيتقى الله ف عمله الا لما يلاقى التقدير المناسب من الحكومه
يعنى معلش المدرس من دول بياخد تلاته تعريفه من المدرسه ميجوش تمن حصتين خصوصى
ملحوظه : ده مش مبرر عشان ميتقيش ربنا
2-مناهج التعليم كلها عايز تتعدل تعديل جزرى
الدليل على كده ان معظك كليات القمه بيبقى فيه سنه اعداى
مما يعنى عدم اعتراف الجامعين بنظام التغليم ف المراحل السابقه
3- م احنا طول بطريقه ( مبنتعلم احفظ يبنى مش مهم تنطق) مش هنعرف يعنى ايه انجليزى
مع ان تعليم اللغه لازم يمشى بمراحل (اسمع - انطق-اكتب) احنا بقى بناخد اخر خطوه على طول مبنحبش نضيع وقت
4-الثانوية بقت بعبع عشان احنا مبنعترفش غير ب تلت اربع كليات بس و الباقى كيخه يابابا كخ
يعنى فيها ايه لو الاهل سابو ولادهم يخشوا الكليه اللى هما عايزنها ,,لكن ازااااى عيب وحرام
5- انظر رقم 1 و حققها هتقضى على رقم 5
6- الحكومه ماشيه بنظرية القرد اللى لو انت حلفتلو على مصحف ان فى حاجه احسن من الموز
مش هيصدقك و هيخليه شابط فيه